Казахский язык
Главная
Существительные
Послелоги
Прилагательные
Числительные
Местоимения
Наречия, Союзы
Личные окончания
Глаголы
Вспомогательные глаголы
Причастия
 Деепричастия
Модальность
Предложения
  Проверь себя!
  Упражнения
   Грамматика детям
   Учим всей семьёй
 Видео
  Разговорник
Пословицы
  Книга для чтения
С казахским не шутят?
Сказки
Песни
Словарь
Ссылки
Автор сайта
Отзывы
Суперлёг. чтение
  1. 1  
  2. 1  
  1. 2  
  2. 2  
  1. 3  
  2. 3  
  1. 4  
  1. 5  
Истории
  1. 1  
  1. 2  
  1. 3  
  1. 4  
  1. 5  
  1. 6  
  1. 7  
Казахский детям
  1. 1  
  2. 1  
  1. 2  
  2. 2  
  1. 3  
  2. 3  
  1. 4  
  2. 4  
  1. 5  
  2. 5  
  2. 6  
  2. 7  
Начальное чтение детям
  1. 1  
  2. 1  
  3. 1  
  1. 2  
  2. 2  
  3. 2  
  1. 3  
  2. 3  
  3. 3  
  1. 4  
  2. 4  
  3. 4  
  1. 5  
  2. 5  
  3. 5  
 Казахский по уровням
  1. 1  
  2. 1  
  3. 1  
  4. 1  
  5. 1  
  1. 2  
  2. 2  
  3. 2  
  4. 2  
  5. 2  
  1. 3  
  2. 3  
  3. 3  
  4. 3  
  5. 3  
  1. 4  
  2. 4  
  3. 4  
  4. 4  
  5. 4  
  1. 5  
  2. 5  
  3. 5  
  4. 5  
  5. 5  
 Лёгкое чтение
  1. 1  
  2. 1  
  3. 1  
  1. 2  
  2. 2  
  3. 2  
  1. 3  
  2. 3  
  3. 3  
  1. 4  
  2. 4  
  1. 5  
  2. 5  
 Короткие истории
  1. 1  
  2. 1  
  3. 1  
  1. 2  
  2. 2  
  3. 2  
  1. 3  
  2. 3  
  3. 3  
  1. 4  
  2. 4  
  1. 5  
  2. 5  

Казахский по уровням

Уровень 2, страница 5

Автор идеи, составитель и переводчик текстов
с английского языка на русский: Андрей Краснов

      81. Жануарларды босатыңдар!
      Генри Лопес ұлы Мариомен бірге хайуанаттар бағына келді. Марио жануарларды сүйетін. Генри ұлы Марио өзін хайуанаттар бағында бақытты сезінеді деп ойлады. Ол керісінше ашулы болды. "Саған не болды?" - деп сұрады Генри.
      "Барлық аңдар жабырқау көрінеді", - деді Марио. "Олар торға қамалып отырғысы келмейді, олар бостандықта жүргісі келеді". Генридің аузы ашылып, таңырқап қалды. Ол торда отырған жолбарысқа қарады. Марионікі жөн еді. Генри жануарлардың қаншалықты жабырқау екенін ешқашанда байқамаған болатын. Сол уақытта Генри ұлына қарайын деп, төмен қараса, Марио жоқ.
      Кенеттен Генри адамдардың айқай-шуын естіді. Сол мезетте өзіне сенімді Марио келіп, "Әке, сен уайымдама!" - деді ол. "Мен жабырқап тұрған арыстанға есікті ашып бердім".
Скрыть текст
      82. Үлкен армандар
      Даниэль Уайт суретші болуды армандайтын. Аз ғана шешілмей тұрған мәселесі болды. Себебі ол ешқашан сурет салып көрмеген. Бірақ бұл ой қатты ұнайтын. Ол мұның іске асатынына сенімді болды. Даниэль өзінің алғашқы сабағына баруды ұйғарды. Сурет салу ол ойлағаннан қиынырақ боп шықты. Даниэль бояған барлық суреттер қорқынышты көрінді.
      Даниэль бір жыл бойы сурет салуға машықтанды. Ауқымды өзгеріс болмады. Даниэль өз арманынан бас тартуды ұйғарды. "Мен тағы да басқа затты байқап көрейін", – деді өзіне Даниэль. "Әрқашан менен ұлы жартасқа өрмелеуші шығады деп ойлайтынмын!"
Скрыть текст
      83. Қатарластарының қысымшылығымен
      Келли достарымен жағажайға барды. Келли жүзе алмайтын еді. Оның барлық достары суда көңіл көтеріп жатты.
      Олар оған: «Бізге кел», - деп айқайлады. Қорқақ болма деген сөздерді естіді. Келли оны мазақтағанды жақтырмайтын еді. Ол суға түсуге бел байлады. Суға түскен мезетте оған көп толқындар келді. Келли қорқып кетті. Ол қатты толқынмен күресе алмады. Кейін ол судың бетіне шыққан кезде ол өзінің бірде-бір досын таба алмады. Оны толқын алысқа алып кетіпті.
      Оны бір серфингші байқап қалды. Ол оны жағаға алып шықты. Сол күннің бір жақсы нәрсесі, алып денелі серфингшінің кездескені.
Скрыть текст
      84. Жасырын дарын
      Энни Холлдың бойы – 155 сантиметр. Оның салмағы 50 килограмға аз ғана жетпейді. Оның жасы жиырмада болса да, ол он екі жастағы қызға ұқсайды. Энниде ойға келмейтін бір дарын бар. Ол хот-догтар жеу жағынан ел чемпионы болып саналады. Бүкіл Құрама Штаттары бойынша мұндай жарыстар мерекелік шеру кезінде өтеді. Энни – жарыстарға қатысатын аздаған әйелдердің бірі. Соның ішінде, ол ең жас қатысушылардың бірі.
      Өзінің кішкентайлығына қарамастан, ол көптеген ірі, толық еркектерден асып кетеді. Ол 12 минут ішінде 37 хот-дог жей алады. "Ер адамдар мені бағалай алмайды", – дейді Энни. "Мен әркез барлығын таң қалдырғанды ұнатамын".
Скрыть текст
      85. Сақал
      Джейсон Паркер жұмыс іздеп жүрген еді. Ол ондаған қызметке өтініш тапсырды. Алайда бірде-бірі оны жұмысқа қабылдаған жоқ. Бірде-бір жұмыстың неліктен жұмысқа қабылдағысы келмегендігін ол ұқпай қойды. Джейсон өзіне-өзі сенімді адам болатын. Өзі туралы пікірлер бойынша оған сенім білдіруге болатындығын көрсеткен еді. Ол өзінен мін таппады.
      Сонда ол достарынан өзінен кемістік табуын сұрады. "Ол сенің сақалың ғой" - деді олар бір ауыздан. Джейсон олардың сөзіне иланбады. Сақалы өзіне жарасып тұр, еркектік түр-сипат береді. "Ол саған жараспайды", - деді достары да қалыспай. "Үйсіз-күйсіз жүрген адам сияқтысың". Бұл сөзден кейін Джейсон сақалын алып тастады. Мүлдем қаламаса да, солай істеуге тура келді, бірақ содан кейін оны бірінші сұхбаттан-ақ жұмысқа қабылдады.
Скрыть текст
      86. Джейсонға жасалған алғашқы ескерту
      Джейсон Эрнандес жылдамдық автомагистралімен жүріп келе жатқан еді. Ол үйіне тезірек жетуге асықты. Ол бейсбол біріншілігінің финалдық ойынын көруі керек еді. Кенет ол өз автомобилінің артынан жыпылықтаған қызыл шамды көрді , сосын дабыл естілді. Полиция қызметкері оған жолдың жиегіне тоқтауды бұйырды.
      Джейсон қорқып кетті. Ол ешқашан жол ережесін бұзғаны үшін айыппұл төлеу туралы хабарлама алмаған еді. Полиция қызметкері оның машинасының жанына келіп, оның жылдамдықты арттырғанын білетін-білмейтіндігін сұрады. Джейсонның тілі байланып қалды. Ол "Иә, сэр, кешірім сұраймын,-" деп жауап бергісі келіп еді. Дегенмен, Джейсон аузын аша бергені сол-ақ еді, жылап жіберді.
      Полиция қызметкері таң қалды. Ол отыз жастағы еркектің үш жасар баладай жылап тұрғанын әлі бірде бір рет көрмеген еді. Біраз күлген соң, полиция қызметкері жай ғана ескерту жасады да, Джейсонды жібере салды. Бұл оның сәтті күні еді.
Скрыть текст
      87. Ағайындылардың арасындағы бәсекелестік
      Энди Тернердің ағасы болды. Энди өзінің ағасына жиі қызығатын. Энди не істесе де, ағасы одан да жақсы істейтіндей көрінетін. Барлығы ылғи да "Сен де ағаң секілді жақсы істейсің!" -деп айтатын. Эндиді бұл жалықтырып жіберді. Ол өзі үздік бола алатындай бірдеңелерді істеуді қарастыра бастады.
      Энди серфингті байқап көрді. Соңы ағасының оған сабақ беруімен аяқталды. Энди актерлікті сынап көрді, аяғында оның орнына рөлге ағасын қабылдады. Ақырында Энди берілді. Ол өз бөлмесіне барып, мұңды өлең айта бастады. Бірнеше уақыттан кейін бөлмесінің есігін анасы ашты да: "Теңдесі жоқ!" - деді. "Тіпті сенің ағаң сен секілді өлеңді тамаша айта алмайды" - деді.
Скрыть текст
      88. Табиғат аясындағы демалыс
      Тағы да жаз келді. Демек, табиғат аясында демалатын уақыт басталды. Джон Ли жылдың осы мезгілін ұнатпайтын. Отбасының қалған мүшелері ұнататын. Джон жәндіктерді ұнатпайтын. Үйге келгеннен кейін үнемі маса шаққан жерлерді қаситын. Ол сондай-ақ ұйықтайтын қаптарды да ұнатпайтын. Ол қапта жылы жатпайтын. Түні бойы көз ілмей, жаурап шықты. Ол бәрінен де аюларды ұнатпайтын. Өзіне үнемі аюлар шабуыл жасайды деп қорқатын.
      Әкесі Джонға жылама деді. Ол жәндіктерге қарсы дәрі және жамылғы берді. Содан кейін Джонды орманға серуендеуге ертіп шықты. Олар сонда қонып, түнді аспанға қараумен өткізді. Жұлдыздар керемет болды. Джон табиғат аясындағы демалыс соншалықты жаман емес екен деп шешті.
Скрыть текст
      89. Тіс дәрігерінің қабылдауында
      Адриан Гонсалес өте биік болды. Оның бұлшық еті мығым болды. Оның мықты, толық азамат екені белгілі болатын. Ол тіс дәрігерінен қатты қорқатын.
      Ол тіс дәрігеріне он жылға жуық бармады. Адриан тіс дәрігеріне өмір бойы бармауға бел буды. Зайыбы Адрианның мазасыздығынан әбден жалықты. "Болды, доғар!" - деді ол. "Ертең сен өз қорқынышыңмен бетпе - бет кездесесің".
      Адрианды тіс дәрігерінің алдына отырғызуға 20 минут жеткілікті болды. Мұнан соң Адрианның есінде ештеңе қалмапты. Ол сол қабылдауда ұйықтап қалыпты. Сонан соң ол емханаға жеткенше көз жасын төккенін сездірмеуге тырысты.
Скрыть текст
      90. Сіз жеңiмпаз болдыңыз
      Лиз Адамс бұл күнді сүйікті радиосын тыңдаумен өткізген болатын. Оның сүйсініп тыңдайтын тобы жақын күндері жеке концерттерін бермекші еді. Радиостанция тегін билеттер тарату үстінде болған соң, Лиз бірнеше билеттер ұтып алуға сенімді болған. Таңғы алтыдан түн жарымға дейін тоқтамсыз радиостанцияны тыңдаумен болады. Бұл төрт күн бойына жалғасты.
      Ұтысқа жету үшін Лиз жиырмасыншы нөмірлі болып телефон шалуы керек еді. Байқаудың соңғы күнінде ақыры Лиз жеңімпаз болады. "Сіз ұтысқа ие болдыңыз!" деп, радио жүргізушісі Лизді қуантты. Лиз қуаныштан тоқтамастан секіре бастады. Сол мезетте қолындағы телефоны суға түсіп кетті. "Алло?" - деді жүргізуші. "Жарайды, онда" - деді ол. "Бәлкім, оған бұл билеттер мұнша керек емес шығар".
Скрыть текст
      91. Ол арқан алуды ұмытып кетіпті
      Томас достарымен серуенге шықты. Олар жақсы дайындалдық деп ойлады. Олар шатырларын орады. Олар шыбын-шіркейді өлтіретін құрал алды. Сондай-ақ олар көп тамақ алды. Тек орманға келген кезде ғана Томас бір нəрсені байқады. Ол арқан алуды ұмытып кетіпті.
      Орманда аю көп еді. Аюлар тамақтың иісін алыстан сезеді. Арқан тамақты ағашқа іліп қою үшін қолданылады. Бұл аюларға тамақты жеп қоюға мүмкіндік бермейді. "Алаң болмаңдар", -деді Томас. "Не болса да бұл жерде аю болма қоймас". Балалар ұйықтады. Олар оянған кезде тамақ жоғалып кетті. Шатырларының айналасының бәрінде алып аяқ іздері жатты.
Скрыть текст
      92. Қоштасу
      Митчелл колледжде оқу үшін басқа қалаға кетпекші. «Досыңды аласың ба?»- деп сұрады мамасы. Оның досы жұмсақ ойыншық аю едi. Ол оның жанында бала кезден едi. Досымен бiрге ол өзін қауіпсіз сезінетін.
      Митчелл досын алатын болса, оған басқалары күлетінін білетін. Колледжде ешкiмнің жұмсақ аюы жоқ. Досымен қоштасатын уақыт келді. Бұл Митчеллді қатты қапаландырды.
      Кетудің уақыты келгенде ол бұны жасай алмады. Митчелл бөлмесіне жүгіріп барып, досын алды. Ол оны өзінің қол сөмкесіне тығып салды. Сосын ол оны колледждегі жастығының астына тықты. Ешкім ешқашан Митчеллдің жұмсақ аюмен ұйықтайтынын білмеді.
Скрыть текст
      93. Жүзу сабақтары
      Бұл жақын арада жергілікті бассейн ашылады дегенді білдіреді. Барлық балалар қуанып жүр, бірақ тек Эванс емес.
      Эванс жүзе алмайды. Ол жүзу сабақтарына жазылып қойған болатын. Ол терең судан өте қатты қорқады. "Эванс, саған босаңсу керек. Сенімен ешнәрсе болмайды", - деді үйретуші. Эванс күнде жаттығып жүрді.
      Ақыры бассейн ашылған кезде барлық балалар ішке қарай бет алды. Эванс асықпай бассейннің шетіне келіп тұрды. Басқа балалар оның қорқып тұрғанына күле бастады. Эванс ұялып қалды. Олардың үндерін өшіру үшін Эванс биік трамплиннен суға секірді. Оның жүзу сабақтары зая кетпеген екен.
Скрыть текст
      94. Жаңа бағбан
      Тейлорға жаңа ермек жетіспейтін еді. Ол гүлдерге қарап ләззат алатын. Ол өз бетімен бір гүлдерді отырғызбақ болды. Бағбандық іс ол үшін жеңіл, әрі рахат іс болып көрінетін.
      Алдымен ол орхидея отырғызды. Бірақ олар бір аптадан соң қурап қалды. Тейлор абыржыды. Ол гүлдерін күнде суаратын. Ол үмітін үзбеді. Кейінірек бір алқызыл бұта отырғызды. Бір аптадан соң жұлдызқұрттар өсімдіктен дым қалдырмады. Тейлор жаңа талпыныс жасады. Ол бірнеше әдемі шырайгүлдерді отырғызды. Бір аптадан соң арамшөптер басып кетіп, шырайгүлдері өспей қалды.
      Ол жаман бағбан болды. "Апыр-ай" - деп ойлады Тейлор. "Бұл іс мен ойлағандай оңай емес екен" («Бұл іс ойлағанда оңай, істегенде қиын екен»). Ол өзінің ескі ермегі - бос уақытында теледидар көруге қайта оралуды жөн көрді.
Скрыть текст
      95. Сергитін кез келді
      Льюистің әйелімен екеуінде екі баласы бар. Бірінші баласының есімі Эдди, ол үйленген және бір сәбиі бар. Ал екіншісі Мэри есімді қыз. Мэри енді ғана 20 жасқа келді. Екі апта бұрын ол ата-анасынан бөлек кеткен болатын.
      Олардың балалары ер жетіп, ақыры үй Льюис пен оның жарының толық құзырында қалды. Олар өздері қалса, рахаттанып өмір сүреміз деп ойлайтын. "Серігетін болдық қой, әйтеуір!" - деп қуанды Льюис. Алайда оның жары мұншалықты бақытты болмады, үйдің іші тып- тыныш болып, қаңырап қалды. Өзін жалғыз сезініп, балаларын сағынды.
      "Таптым! Біз үй жануарын асырап алайық", - деп ұсынды Льюис. Олар зоо дүкенге барып, үш шулы күшікпен оралды. Льюистің әйелі енді бұрынғысындай бақытқа бөленеді, алайда Льюиске бұл соншалықты қуаныш әкелмеді.
Скрыть текст
      96. Нельсонның бейнеойындары
      Нельсон бейнеойындарды өте жақсы көреді. Ол таңертең ұйқыдан ояна салысымен ойнауды бастайды. Нельсон тіпті өзінің ойындарын өшірмейді де. Тек тамақ ішкенде және ұйықтаған кезде ғана ойнауды тоқтатады. Кейде тіпті түні бойы да ойнайды. Анасы оны тоқтатқысы келді. "Бар, достарыңмен ойнап кел!", - дейді оған анасы, - "Күні бойы бір жерде отырудың еш қажеті жоқ".
      Нельсонның достары дәл өзі секілді, барлығы да бейнеойындар ойнайды. Олар ешқашан бір-бірімен көріспейді. Бір-бірімен бар болғаны компьютердің көмегі арқылы сөйлеседі. "Мен өз достарыммен ойнап отырмын!" - деп жауап берді Нельсон. Нельсонның анасы ол жөнінде уайымдайды. Оның ойынша, ұлы жалғыз. Сондай-ақ, шектен тыс семіріп бара жатыр деп ойлайды. Ұлына қалай көмектесерін білмейді. Оның орнына ұлына жаңа ойындар сатып алуға барды.
Скрыть текст
      97. Үлкен жеңілдіктер
      Скоттың дос қызы әдемі көйлектерді жақсы көретін. Оның сүйікті дүкені үлкен жеңілдіктер ұйымдастырды. Скотт оған тосын сый жасағысы келді. Ол оған көп жаңа көйлектер сатып алу үшін сатылымға барды.
      Сатылымда адам өте көп болды. Ол ішке кіру үшін ғана толық бір сағат күтті. Скотт аса шыдамды еді. Ол бар болғаны өзінің қызын айрықша бақытты еткісі келді. Дүкен ішінде қыздар естерінен танды. Олардың бәрі ұтымды сауда жасауға тырысып жатты. Кейбір қыздар тіпті, көйлек үшін төбелесіп қалды. Скотт қатты қорқып кетті. Бірдеңе алу үшін жылдам әрі жылпос болу керек еді. Ақыр аяғында дүкеннен шыққанда ол әбден қара тер болды. Ол: «Ендігәрі ешқашан бұлай істемеспін» деген ойға келді.
Скрыть текст
      98. "Сізге брекет салу керек"
      Мартиннің тістері аса қисық болатын. Оның тіс дәрігері оларды түзетпек болды. "Сізге брекет салу керек,"-деді ол Мартинге. "Сіздің күлкіңіз керемет болады!" Мартинге бұл ой ұнамады. Ол брекет салуға қорықты. Ол ауыртады деп естіген. Олар сондай-ақ тым қымбат болды.
      Ол әкесімен ақылдасты. Әкесі Мартинге оны қой деді. Ол оның ақшасын да өзі төлеп берді. Мартин айнаға қарағанда аса разы болмады. "Мен қазір әдемі емеспін!" - деп айтты ол. "Адамды күлдірмеші", - деді әкесі. "Брекет қойғанға дейінгі түрің де осындай болған!"
Скрыть текст
      99. Ғарыштан сәлем
      Вильсон қашанда астронавт болғысы келген. Оның балабақшадағы тәрбиеші апайы бұл мүмкін емес деді. "Бұл жақсы" - деді ол. "Бірақ сенің ешқашан астронавт болмайтының анық". Вильсон өте жаман апай деп ойлады. Қалай болмасын, ол өз арманынан бас тартпады.
      Жиырма жыл өткенде Вильсон апайының қателескенін дәлелдеді. Оған Айға ұшып баруды сеніп тапсырды. Төмендегі Жерге қарап тұрып, ол өзінің бұрынғы тәрбиешісін еске алды. Ол мені көрсе ғой қазір! Ол фотоаппаратты алды да скафандр киіп тұрған өзін суретке түсіріп алды. Артында миллиондаған жұлдыз тұрды. Жерге келген бойда ол поштаға жүгірді. Ол фотосуретті сол бір «жаман» тәрбиешіге салып жіберді.
Скрыть текст
      100. Су перісін тапты
      Кларк өзінің алты жасар баласын жүзуге алды. Бұл Джеймстың бірінші жүзуі мұхит жағасында болды. Олар уақытты өте көңілді өткізді. Олар өте көп теңіз жануарларын тапты. Джеймс таңқалды. Алдымен Кларк бес дельфинді көрді. Сосын Джеймс үлкен китті көрді. Олар тіпті су арыстанын ұстап көрді.
      "Қара!"- деді Кларк. Ол алыста жүзіп бара жатқан бір нәрсені көрсетті. "Сен білесің бе? Бұл не?"- деп, ол өз баласынан сұрады. "Су перісі!"- деп айқайлады Джеймс. "Нағыз су перісі!" Кларк күлкіден өлді. Джеймс ыңғайсызданды. Ол бұның несі күлкілі екенін түсінбеді. Бұл су перісі емес, -деді Кларк. Бұл ламантин. Оларды тағы да "су сиыры" деп атайды.
Скрыть текст
      101. Жер сілкінісі
      Джим Тернер Калифорнияда жаңа адам болатын. Ол онда бар болғаны бір-ақ жыл тұрды. Джимге бұл штаттағының бəрі ұнайтын. Ауа райы керемет. Жағажайы тамаша. Джим Калифорнияда қалып қоюды жоспарлаған болатын.
      Бір күні түнде Джим шырт ұйқыда жатқан. Оның керуеті кенеттен селкілдей жөнелді. Ол керуеттен секіріп түсті. Джимнің зəресі ұшты. Бұл оның көрген алғашқы жер сілкінісі еді. Джим мұндайда не істеу керек екенін де білмейтін. Айналасындағы заттар құлап, қирап жатқанда бұл орнында қалшиып тұрып қалды. Жер сілкінісі 15 секундқа созылды. Джимге бұл сағаттай көрінді. Келесі күні ертеңгісін ол заттарын жиыстыра бастады. "Калифорниядан осы көргенім де жетер" - деді ол.
Скрыть текст
      102. Құлақтандыру оқу керек
      Джастин Харрис достарымен бiрге жағажайға барды. Сол жерге келген кезде олардың көңіл күйлері түсіп кетті. Судың алдында бағанада үлкен құлақтандыру ілінген. Онда: «Бүгін суға түсуге рұқсат етілмейді» делінген. Оның достары толқындардың өте үлкен болғанын байқады. «Мүмкiн, суға кiру тым қауіпті шығар», - деді Джастиннiң достарының бiрi.
      Джастин құлақтандыруды елемеуге ұйғарды. Ол апта бойы шомыламын деп сенiп едi. Үлкен толқындар ақиқат емес көрінетiн. «Келiңдер, жігіттер!» - деді Джастин. Ол суға секірді. Сол уақытта оны зор толқын жауып жіберді. Оның достары құтқарушыны iздеуге жүгіре жөнелді. Құтқарушы Джастиндi құтқаруға міндетті. «Оқи алмайсыңдар ма?» - деп ұрысты ол.
Скрыть текст
      103. Тамаша жоспар
      Эмили Байкер Голливудта саяхаттап жүрген еді. Сол жерде жаңа фильмнің түсірілімі болып жатты. Онда басты рөлге оның сүйікті актері түсіп жатты. Эмили онымен танысқысы келді. Онда жоспар болды. Ол түсірілім алаңына жасырын кірмекші еді. Кейін сол жерде оны тауып алмақшы. Эмили олар кездескен бетте оны өзіне ғашық ету үшін бəрін жасайтынын білді.
      Эмили түсірілім алаңына келді. Сыртынан айнала жүздеген қыздар жиналды. Олардың бəрі қара киінген. Олардың бəрі осы жерге бір мақсатпен келгені анық. Жаңа жоспар əзірлеу қажет болды. Оларға ішке көрінбей кіру қажет емес. Олар күзет арқылы тек барлығы бірге өте алады. Ішінде сұлу актерді тауып алады. Сосын барлық қыздар бір-бірімен шайқасады.
Скрыть текст
      104. Əнші іздеуде
      Смит музыкалық топты ұйымдастыруда. Ол тамаша гитарист болатын. Оның ағасы соқпалы аспапта өте жақсы ойнайтын. Ал досы жақсы басист еді. Енді керегі жалғыз нəрсе - лайықты əншіні табу ғана.
      Эндрю плакат əзірледі. Онда: "Мықты əнші іздейміз" деп жазылған. Ол қаланың бəріне таратты. Дауыс сынағына көп адам келді. Олардың көбісінің дауысы жақсы еді. Эндрюға бəрінен де бір сұлу қыз ұнады. "Дауысы жаман ғой" - деп айтты топтың мүшелері. "Сендер, жігіттер, естеріңнен адастыңдар ма?" - деп жауап берді Эндрю. Оның ойынша, сол қыз мінсіз еді. "Махаббат сені керең етті", - деді Эндрюдың ағасы.
Скрыть текст
      105. Мен дәрігер боламын
      Крис Вильямс болашағына жоспар құрды. Ол дәрігер болмақ болды. Төрт жыл бойы Крис табандылықпен білім алды. Содан кейін оны медицина училищесіне қабылдады. Сол жерде ол тағы екі жыл оқыды. Ол жаратылыстану ғылымдары және математикамен ынта қойып шұғылданды. Крис үздік студент болды. "Сенен тамаша дәрігер шығады!" - дейтін оған ұстаздары.
      Бірде Крис сабаққа қатысып жатқан. Ол қан алуы керек болды. Ол инеге таңдана қарады. "Сенің кезегің, Крис" - деді оқытушы. Крис орнынан қозғала алмады. Ол не үшін бұлай қорыққанын түсіне алмады. Тұла бойы дірілдеп, инені емделушінің қолына енгізді. Бір тамшы қан пайда болды. Крис есінен танып қалды. Дәрігерлер қаннан қорықпауы керек. Енді Криске жаңа мамандық таңдауға тура келді.
Скрыть текст
      106. Ара алғаш шаққанда
      Джо Картер ірі денелі, күші мол ер адам еді. Оның бойы 180 сантиметрден ұзындау. Әр күн сайын ол ауыр заттарды көтеретін. Джо әрқашан ержүрек көрінетін. Көптеген қыздарға бұл ұнайтын. Оны үнемі кездесулерге шақыратын.
      Бір күні Джо кездесуге уәделескен қызбен паркте болды Олар пикник жасады. Джо қызды сүйейін деп жатты. Кенет оның мұрнына ара қонды. Джо кішкентай қыздай айқайлап жіберді. Ол парктен жүгіріп шықты. Ол өзінің көлігіне отырып, барлық есіктерін жауып алды. Ара оның мұрнын шағып алды. Ол өзінің көлігінде жылап отырды. Оның қызы кетіп қалды. Ол кейін барлығына: «Ол ер сияқты көрінгенмен, іс-әрекеті кішкентай баланікі сияқты», - деп айтып жүрді.
Скрыть текст
      107. Сараның алғашқы машинасы
      Сара Миллер жуырда ғана жүргізуші куәлігін алды. Енді оған қажет болған жалғыз нәрсе – машина еді. Алайда, ол бір проблемаға тап болды: оның ақшасы болған жоқ. Сара балмұздақ сататын дүкенде уақытша жұмыс тапты. Ол жерде жазда ғана істейтін болды. Жаз бойы тынымсыз еңбек етіп, әрбір долларды үнемдеп отырды. Ақыры үш айдан соң Сараның машина сатып алуға мүмкіндігі туды. Ол пайдаланылған машинаны сатып алды.
      Бірақ сол машинаның көптеген сызаттары болған, ал бір әйнегі жарылған болатын. Орындықтарда үлкен дақтар болды, машинаның ішінде бір жағымсыз иіс тұрды. "Жарайды!" – деді Сара. Ол босқа еңбек еткен жоқ қой. Машинасы басқаларға ұнай ма, ұнамай ма – оған бәрібір. Не болса да, ол өзін мақтан тұтты.
Скрыть текст
      108. Балақайлар үшін тым кәрі
      Миссис Джоунс балабақшада тәрбиеші болатын. Ол өз өмірінде онша бақытты болмады. Ол балаларды сүйетін еді, алайда қазір оларға бұрынғыдай көңілі толмайтын. Миссис Джоунс оларды тым көп шулайды деп санайды. "Олардың бар шаруалары айқайлау және жылау", - деп шағымданды ол - "Мен бұл жұмыс үшін тым кәрімін".
      Зейнеткерлікке кететін уақыт келді. Миссис Джоунс көл жағалауынан бір үй алып, армандаған тыныш өмірін сүргелі жатқан болатын. Алайда кейін миссис Джоунс бақытты болмады. Оның жаңа үйі тым- тырыс болды, ол балаларды сағынып кетті.
      Миссис Джоунс арқан сатып алып, көл маңында өсіп тұрған талға іліп қойды. Әр демалыс сайын балалар оның үйіне қонаққа келетін болды. Олар арқанда тербеліп, көлге секіріп ойнайтын болды. Миссис Джоунс та әрқашан оларға қосылып ойнайтын.
Скрыть текст
      109. Жаңа телефон
      Карл Вильсон телефонның ең жаңа моделін алғысы келді. Бұндай телефон 400 доллар тұрды. Ол өзінің ата-анасынан оны сатып алып беруін сұрады. "Кешір", - деді олар. "Бұл өте қымбат". Карл сонда да оларды мезі етуді жалғастыра берді. Ол осы ойынан бас тартпады. Ол кішкентай бала сияқты жылады. Оның ата-анасы өздерін кінәлі сезінді. Олар өздерінің баласының бақытты болғанын қалады.
      Мистер және миссис Вильсон шамалы ақша жинады. Олар Карлдың туған күніне телефон алып берді. "Байқап ұста", - деді оған олар. "Әрине, байқап ұстаймын!" - деді ол. Карл бақытты болды. Ол телефонды қалтасына салды. Ол достарына мақтану үшін жүгірді. Телефон қалтасынан түсіп кетіп, тас жолға түсті де, сынып қалды.
Скрыть текст
      110. Жабық сауық кеші
      Мистер және миссис Райт демалысқа кетті. Олардың ұлы Брэндон үйде жалғыз қалды. Үй толығымен оның қарамағында болды. Ол сауық кешін өткізуді ұйғарды. Ол өзінің бірнеше достарын шақырды. "Менің ата-анам ешқашан ештеңені біліп қоймайды", - деді ол. "Бұл шағын сауық кеш болады".
      Сенбі келді. Оның есік қоңырауы тоқтамай басыла берді. Оның үйіне бұрын кездестірмеген адамдар келдлі. Брэндон оларды қуып жібере алмады. Олар тым көп болды. Ол ыдыстың сынған даусын естіді. Кілемге ішімдіктер төгілді. Әрине, оның ата-анасы бұл туралы біліп қояды. Оның ата-анасы келмегенше, Брэндон жай ғана бойын еркін ұстауға және өзінің кейін тартып алынатын еркіндігімен рахаттануды ұйғарды.
Скрыть текст


В подготовке текстов на казахском языке участвовали пользователи сайта sozdik.kz:
Aidana Bissekesh, Раушан Муталипова, Бахытжан Ертай, Айгерим Ержанова, Аяулым Орынгали, Еркежан Каймоллаева, Janerke Kurmanalinova, Акжайык Сабырбаева, Assel Kanybekova, Гульнар Абдраимова, Жадыра Қайратқызы, Feruza Moldashova, Акнур Жунусова, Мади Толегенов, Майра Фазыл, Маржанай Ташимова, Мира Сембайкызы и другие.
Корректор текстов на казахском языке: Атлас Кудайбергенова



©  Татьяна Валяева   2007–2017
http://kaz-tili.kz/
 <<  Казахский по уровням. Ур.2, стр.4 Вернуться к началу Казахский по уровням. Ур.3, стр.1  >>